PEGI Online öryggisreglurnar voru þróaðar af tveimur sérstökum vinnuhópum sem beðnir voru að skilgreina lágmarksvernd sem veita ætti börnum og ungmennum í nettengdum tölvuleikjum. Allir sem undirrita þessar reglur skuldbinda sig til að gera ráðstafanir til að banna óviðeigandi efni á vefsetrum sínum og tryggja góða hegðum leikmanna. Þessu fylgir að þeim er veitt leyfi til að nota merki PEGI Online þegar viðkomandi leikur hefur verið skráður í PEGI-flokkunarkerfinu.

Hægt er að hala niður megintexta reglnanna hér að neðan. Helstu ákvæði sem þeir sem undirrita reglurnar skuldbinda sig til að fylgja eru:

Netþjónustan mun eingöngu innihalda efni sem hefur verið aldursflokkað með viðeigandi hætti þ.e. samkvæmt kerfi PEGI eða öðru viðurkenndu evrópsku kerfi eins og – en ekki takmarkað við – breska kvikmyndaeftirlitinu (BBFC) og þýska tölvuleikjaeftirlitinu (USK).

Leyfishafar PEGI Online munu tryggja að skilvirk tilkynningaferli séu til staðar til að leikmenn geti tilkynnt um óæskilegt efni á sérhverjum tengdum vefsetrum sem bjóða netþjónustu og eru á þeirra ábyrgð.

Leyfishafar PEGI Online skulu starfa að því að tryggja að netþjónusta sem er á þeirra ábyrgð sé laus við efni sem er ólöglegt, særandi, ber vott um kynþáttafordóma, er niðurlægjandi, spillandi, ógnvekjandi, ósæmilegt eða gæti haft varanleg áhrif á þroska barna og ungmenna.

Sérhver leyfishafi PEGI Online sem safnar persónulegum upplýsingum á netinu um áskrifendur skal viðhafa heilsteypta og virka stefnu um friðhelgi í fullu samræmi við öll gildandi lög Evrópusambandsins og landslög um persónuupplýsingar.

Leyfishafar PEGI Online skulu fella í samning við áskrifendur sína á netinu ákvæði sem fela það í sér að ákrifendum er bannað að leggja til í leikinn efni eða hegðun sem er ólöglegt, særandi, ber vott um kynþáttafordóma, er niðurlægjandi, spillandi, ógnvekjandi, ósæmilegt eða gæti haft varanleg áhrif á þroska barna og ungmenna.

Eftirfarandi reglur eiga við: